Trajneri i Gjermanisë, Julian Nagelsmann ka reaguar pas eliminimit të kombëtares së tij nga Spanja në Euro 2024, duke mbetur i nervozuar me vendimin e gjyqtarit.
Gjermania u mposht në minutat e fundit shtesë nga Spanja me rezultat 2-1, duke siguruar një vend në gjysmëfinale.
Megjithatë, një situatë veçanërisht e diskutueshme ka ndodhur në minutën e 106-të, kur Jamal Musiala gjuajti në portë nga jashtë zonës dhe topi goditi në dorë mbrojtësin e Spanjës, Marco Cucurella, në rrugën drejt portës.
Gjyqtari anglez, Anthony Taylor nuk gjykoi asgjë dhe dhoma e VAR-t nuk reagoi fare, duke bërë që trajneri Nagelsmann të reagoj pas ndeshjes.
“Nëse topi shkon qartë drejt portës dhe spanjolli e ndal me dorë, nuk ka rëndësi nëse e bën me qëllim apo jo”, ka thënë fillimisht Nagelsmann.
“Kjo është në fakt më pak e rëndësishme. Është një penallti e pastër. Ajo që fituam kundër Danimarkës, është shumë më pak penallti se kjo sonte”.
“Nuk e di se cili rregull u zbatua kur u vendos që nuk ishte penallti, por po pyes veten në bazë të logjikës. Nuk e di kur dora është në pozicion natyral dhe kur jo”, përfundoi trajneri i Gjermanisë.
Taylor nuk ka bërë asnjë deklaratë pas ndeshjes dhe gjermanët shkruajnë se ai është larguar me shpejtësi nga stadiumi i Shtutgartit me një Mercedes të zi.
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…