“Nuk “ngopeshim” me gola se po luanim kundër serbëve”! Fituan 6-2 ndaj Partizanit të Beogradit, flasin ukrainasit: Donim vetëm të shënonim dhe të shënonim

Dinamo e Kievit fitoi me shifrat 6-2 ndaj Partizanit të Beogradit në turin e dytë të Champions League. Ukrainasit zgjodhën që të mos i japin dorën rivalit para nisjes së ndeshjes pasi Serbia mbështet luftën në Ukrainë.

Menjëherë pas ndeshjes, dy lojtarët e Kievit, Brazko dhe Kabajev, shprehën gjithë lumturinë e tyre për fitoren e thellë.

“Emocionet janë të larta, ne e dinim se me kë po luanim dhe se fitorja ishte e nevojshme. Qëllimi ynë ishte t’u jepnim sa më shumë gola para ndeshjes së dytë. Ne mund t’i shmangnim dy golat e pësuar. Ata na dhanë një gol nga penalltia, nuk ishte e këndshme, por e dija se mund të ktheheshim dhe ta kthenim rezultatin në fund, mund t’i jepnim një gol tjetër”, tha Bražko.

“Ju i thatë të gjitha, ne luajtëm një ndeshje të mrekullueshme. Ndoshta, nga pikëpamja e intensitetit, kjo ishte ndeshja më e rëndësishme në karrierën time, kundër këtij kundërshtari. Doja të shënoja sa më shumë gola të jetë e mundur dhe të sigurojë fitoren për çdo ukrainas”, shtoi ai.

Nga ana tjetër, Kabajev tha: ” Ne u përgatitëm mirë, e dinim se po luanim kundër një skuadre, vendi i së cilës mbështet luftën në Ukrainë. Të gjithë e shihnin se sa të vendosur ishim në fushë, edhe kur shënuam tre ose katër gola nuk ndaleshim. Kishim më shumë motivim sepse po luanim kundër një ekipi nga Serbia. Kishim vend për përmirësim, ndryshe nuk do pësonim dy golat”, përfundoi Kabayev. /Elio Hajdari-Sport Ekspres/