Përmbytje të “përmasave biblike” në Libi, të paktën 10 mijë persona të zhdukur

Rreth 2 mijë persona kanë humbur jetën dhe 10 mijë të tjerë rezultojnë të zhdukur si pasojë e dëmeve të shkaktuara nga stuhia Daniel.

Stuhia lëshoi një sasi aq të madhe shiu në verilindje të Libisë saqë dy diga u shembën duke bërë që akoma më shumë të nisej në drejtim të zonave që ishin prekur tashmë nga shirat.

“Bilanci i viktimave është i larë dhe rreth 10 mijë persona janë raportuar si të zhdukur,” deklaroi Tamer Ramadan kreu i Federatës së Kryqit të Kuq, i deleguar në Libi gjatë një konference për mediat.

Të paktën 6 000 persona rezultojnë të zhdukur vetëm në qytetin e Derna-s, sipas asaj që deklaroi ministri i Shëndetësisë së Libisë. Othman Abduljalil e përshkroi Derna-s si një qytet fantazmë.

“Situata ishte katastrofike….Kishte trupa kudo.”

Teksa operacionet e shpëtimit vijojnë, ka familje që ndodhen ende në banesat e tyre të ngujuara si dhe viktima nën gërmadha.