Krytari i Partisë Republikane në Serbi, Nikolla Sanduloviq, ka publikuar një fotografi ku shihet i shumëkërkuari nga Kosova, Milan Radojiçiq.
Radojiçiq, i dyshuar se dha urdhër për vrasjen e politikanit serb në Kosovë, Oliver Ivanoviq, është parë në shoqëri të drejtorit të të ashtuquajturës Zyrë për Kosovën në qeverinë e Serbisë, Marko Gjuriq, kryetarit të Listës Serbe, Goran Rakiq, si dhe ish-ambasadorit të Kinës në Serbi, Li Manchang.
Policia e Kosovës disa herë me radhë ka ndërmarrë aksione në Mitrovicën e Veriut, ku ka arrestuar disa persona, në mesin e të cilëve edhe zyrtarë policorë, për të cilët besohet se janë nën urdhrat e nënkryetarit të Listës Serbe, Milan Radojiçiq.
Politikani serb, Nikolla Sanduloviq, në përshkrimin e fotografisë të cilën e ka publikuar në Facebook, ka ironizuar me deklaratat e ministrit të Punëve të Brendshme të Serbisë, Aleksandar Stefanoviq dhe presidentit serb, Aleksandar Vuçiq, se nuk e dinë kush është Milan Radojiçiq.
https://www.facebook.com/stopvucicevojdiktaturi/videos/2315817365338944/
“Meqenëse ministri i Policisë, Nebojsha Stefanoviq dhe presidenti i Serbisë, Aleksandar Vuçiq, nuk e dinë se kush është Milan Radojiçiq, ata mund ta pyesin ambasadorin kinez dhe ai do t’i prezantojë ata me të”, ka shkruar Sanduloviq.
Sipas prokurorit të rastit, Sylë Hoxha, të gjitha deklarata dhe provat e siguruara deri me tani çojnë në drejtimin se Radojciq është i involvuar në vrasjen e Oliver Ivanoviqit.
