Nuk janë të rralla rastet kur qytetarët kanë incizuar zyrtarët nëpër institucione të ndryshme publike në Kosovë, duke pretenduar se të njëjtit nuk kanë qenë duke punuar gjatë orarit të punës. Kështu ka vepruar edhe një qytetar dje, derisa ishte duke pritur në Qendrën e Regjistrimit Civil në Prishtinë.
Persona që ishin në këtë qendër në momentin kur kanë ndodhur ngjarja kanë dhënë detaje për Sinjalin.
Fillimisht qytetari i cili po priste për vulë apostile, kishte kërkuar nga disa zyrtarë që të fillon punën, pasi të njëjtit sipas tij nuk po punonin. I mllefosur nga kjo situatë, ai kishte filluar të incizonte. Por kjo i kushtoi. Njëri nga zyrtarët e kësaj qendre dyshohet se e ka sulmuar qytetarin, duke ia larguar telefonin.
Rasti siç merr vesh Sinjali është denoncuar në Polici dhe me urdhër të prokurorit është hapur rasti “sulm”.
