Një turist, i cili pothuajse vdiq pas një grabitjeje të dhunshme gjatë pushimeve në Britani, kaloi katër vitet e ardhshme në spital dhe iu nënshtrua 65 operacioneve për të rindërtuar kafkën e tij të copëtuar.
Ben Finlan, nga Toronto në Kanada, pësoi fraktura të shumta të kafkës dhe gjakderdhje në tru pasi u grabit jashtë një lokali në qendër të Londrës me sulmuesit e tij ende të lirë sot.
Mjekët i thanë familjes së Benit që të fluturonte menjëherë nga Kanadaja në Londër, pasi ata nuk ishin të sigurt nëse ai do të mbijetonte natën.
Një pjesë e kafkës së tij u hoq në një operacion urgjent të dekompresimit të trurit për t’i shpëtuar jetën, por rrjeta e titanit me të cilën u zëvendësua u infektua, duke çuar në komplikime më të rrezikshme për jetën.
Familja e Benit dhe e dashura e tij Katherine Smith u zhvendosën në Londër për të qenë me të gjatë rikuperimit të tij katërvjeçar në spital pas sulmit brutal më 3 dhjetor 2018.
Duke postuar në TikTok, Katherine tha: “Ben u sulmua në Londër në dhjetor 2018.
“Mamaja e tij mori një telefonatë nga policia dhe ambasada kanadeze për të na njoftuar se Ben ishte në gjendje të rrezikshme për jetën për shkak të një gjakderdhjeje të rëndë në tru.
“Ata na thanë të shkonim atje menjëherë, sepse nuk ishin të sigurt nëse ai do ta kalonte natën.
