Kroacia mund të ringjallë tensionet e vjetra etnike në rajonin e Ballkanit, si pasojë e mungesës së partive, të cilat përfaqësojnë minoritetin serb në qeverinë e re kroate.
Vendimi për të mos përfshirë serbët në qeverisje ka ardhur si rezultat i presionit të partisë së djathtë radikale Lëvizja për Atdheun, e cila do të formojë qeverinë me konservatorët në pushtet të drejtuar nga Kryeministri aktual, Andrej Plenkoviç, citon Associated Press.
Bashkimi Demokratik Kroat dhe Lëvizja për Atdheun ranë dakord për krijimin e koalicionit qeverisës, pasi HDZ, e cila ka qenë dominuese në vitet e fundit në Kroaci nuk mund të qeverisë dot e vetme. Zyrtarët e partisë në pushtet thanë se qeveria e re, që do të drejtohet për një mandat të tretë radhazi nga kryeministri Andrej Plenkoviç, do të miratohet në parlament, javën e ardhshme.
