Gjendja e rënduar shëndëtesore e Presidentit të Turqisë Erdogan si edhe anulimi i disa takimeve të planifikuara bëri që në rrjetet sociale të shpërndahej thashethemi se ai ishte shtruar në spital, madje dhe se kishte ndërruar jetë.
Lajmi u shpërnda në të gjithë botën, ku mediat më të njohura ndërkombëtare, përfshirë edhe CNN raportuan mbi një ngjarje të tillë.
Nisur nga situata e krijuar, Erdogan zgjodhi të dalë vetë para mediave për të shuar zërat se kishte ndërruar jetë duke dhënë një konferencë për shtyp para gazetarëve me qëllimin e vetëm që të tregonte se ishte mirë me shëndet.
Pavarësisht se duket i lodhur dhe has vështirësi në të folur, Erdogan i përgjigjet pyetjeve të gazetarëve duke dhënë mesazhin se vijon të qendrojë në detyrë pavarësisht problemeve shëndetësore.
Prokuroria turke nisi hetimin për 30 persona në Turqi pasi këta të fundit përhapen në rrjetet sociale lajmin se “Presidenti kishte vdekur”. Hetim ka nisur edhe ndaj atyre që kanë shpërndarë hallvë në rrugë pas lajmit të rremë se Erdogan kishte vdekur.
