UPDTAE: Në një kishë të dëshmitarëve të Jehovait në Hamburg pati në mbrëmje të shtëna. Policia ndodhet me forca të shumta në vendin e ngjarjes dhe ka dhënë paralajmërim për rrezikun. Nga ndërtesa janë duke u nxjerrë viktimat.
Nga të shtënat në një kishë të Hamburgut të enjten (09.03.2023) në mbrëmje humbën jetën disa vetë dhe disa të tjerë u plagosën. Policia bën fjalë për një gjendje serioze. “Të vrarët kanë të gjithë plagë nga të shtënat”, tha një zëdhënës i policisë. Një reporter i agjencisë së lajmeve dpa nga vendngjarja tha, se policia është mobilizuar me forca të shumta speciale. Sipas këtij reporteri, ekipet e shpëtimit po nxjerrin njerëz nga një ndërtesë e dëshmitarëve të Jehovait.
Ngjarja ka ndodhur në lagjen e Hamburgut Alsterdorf. Sfondi është i paqartë deri tani. Përmes një paralajmërimi zyrtar për rrezikun nga autoriteti i punëve të brendshme në Hamburg bëhet fjalë për një “rrezik ekstrem”. “Sot rreth orës 21:00 një ose disa doras të paidentifikuar qëlluan ndaj personave në një kishë, thuhet në komunikatën zyrtare. Rrugët rreth vendit të ngjarjes janë bllokuar. Policia u është lutur pjesëmarrësve në trafik që të devijojnë zonën e bllokuar. “Shmangni zonën e rrezikut. Nëse ndodheni brenda zonës së rrezikut qendroni pa lëvizur në vendin ku gjendeni aktualisht dhe mos dilni jashtë.”
Një sulm me armë ka ndodhur të enjten mbrëma në qytetin Hamburg të Gjermanisë, raportoi BBC-ja.
Të paktën 6 persona po raportohet se janë vrarë, e 7 janë plagosur, derisa ende s’dihen motivet e sulmit.
Policia njoftoi për një situatë të rëndë
Nach ersten Erkenntnissen wurde in einer Kirche in der Straße Deelböge im Stadtteil #GroßBorstel geschossen. Dabei wurden mehrere Menschen schwer verletzt, einige sogar tödlich. Wir sind mit einem Großaufgebot an Kräften vor Ort. Weitere Informationen folgen. #schießerei #h0903
— Polizei Hamburg (@PolizeiHamburg) March 9, 2023
Sipas BBC-së, të shtënat me armë kanë ndodhur në një qendër të Dëshmitarëve të Jehovait në zonën Alsterdorf, ndërsa autoritetet policore thanë se hetimet po vazhdojnë.
Ekipet e ambulancës kanë dalë në vendin e ngjarjes.
Tote und Verletzte nach Schüssen in #Hamburg #Alsterdorf pic.twitter.com/TaJblhYExz
— Sven Hartmann (@Hartman0049) March 9, 2023
