Një ngjarje tronditëse ka ndodhur në Kenia, ku një burrë është kapur pas një helikopteri ndërsa ky po ngrihej nga një dasmë, duke rrezikuar jetën e tij dhe të të tjerëve. Pamjet dramatike tregojnë momentin kur Stephen Odhiambo Ouma, 28 vjeç, qëndron i varur qindra metra mbi tokë, ndërsa turmat në tokë shpërthejnë në britma e lutje për shpëtimin e tij.
Ngjarja ndodhi në fshatin Rapogi nw Kenia. Ouma thuhet se i kishte kërkuar pilotit dhe pasagjerëve të helikopterit para dhe një udhëtim drejt Nairobisë, por pasi u refuzua, u kap pas helikopterit në momentin që ai u ngrit në ajër, shkruan A2 CNN.
Piloti, sapo vuri re pasagjerin e paftuar, bëri një ulje emergjente në një fushë afër. Ouma më vonë u shpreh për mediat lokale se ishte “i lehtësuar” që zbriti, pasi kishte filluar të ndiente lodhje në ajër – por ai mbeti i pa penduar dhe deklaroi se do ta përfundonte udhëtimin 65-minutësh pa problem.
Ai madje tha se për të, që zakonisht lëviz me gomar, ky fluturim ishte një përjetim historik, duke shtuar se nuk kishte ndier fare të ftohtin dhe kishte mbajtur shapkat veshur.
Policia e arrestoi Ouma në banesën e tij dhe pritet të ngrejë akuza për rrezikim të jetës së tij dhe të të tjerëve.
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…
Autori i vrasjes së një polici dhe plagosjes së një efektivi tjetër mëngjesin e sotëm…