Presidentja e Komisionit Evropian, Ursula von der Leyen la të nënkuptohet se ndalimi i TikTok në Bashkimin Evropian mbetet një opsion, gjatë një diskutimi dje në mbrëmje në Maastricht, ku u prezantuan kandidatët kryesorë të partive për zgjedhjet e bllokut të vitit 2024, sipas politico.eu .
“Nuk përjashtohet”, tha Von der Leyen, pasi moderatori iu referua Shteteve të Bashkuara të Amerikës, ku TikTok-u po përballet me një ndalim kombëtar nëse aplikacioni nuk shitet nga pronari i tij, “ByteDance”.
Menjëherë, Von der Leyen shtoi se Komisioni ishte institucioni i parë në mbarë botën që kishte ndaluar TikTok në telefonat e korporatave te bllokut.
“Ne e dimë saktësisht rrezikun e TikTok-ut”, shtoi ajo.
Von der Leyen nuk u shfaq në cilësinë e saj si presidente e Komisionit në Maastricht, por si kandidatja kryesore e Partisë Popullore Evropiane të qendrës së djathtë.
TikTok po përballet me një hetim të veçantë – për dështimet e supozuara për të mbrojtur të miturit.
Sipas Ligjit të Shërbimeve Dixhitale (DSA), Komisioni mund të urdhërojë pezullimin e përkohshëm të një shërbimi në çdo rast.
Gjithashtu, Von der Leyen thuhet se po shmang TikTok ndërsa bën fushatë për një mandat të dytë./atsh
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…
Kryeministri Edi Rama ka reaguar me ironi në rrjetet sociale pas protestës e cila u…
Sipas gazetarit dhe analistit turk İbrahim Karagül, zhvillimet e fundit rreth Ishullit të Sazanit nuk…
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…