Presidenti serb Aleksandar Vuçiç tha se vendin po priste një kohë e vështirë, që pas 10 ose 12 ditësh të fillonte rritja eksponenciale e pacientëve të prekur nga koronavirusi.
Ai tha se Serbia po pret një rritje të madhe të numrit të pacientëve dhe se shumë njerëz do të mbeten pa të dashur. Ai kujtoi se deri më tani janë 46 persona të regjistruar si të infektuar në Serbi.
Duke folur për produktet bazë të ushqimit, Vuçiç theksoi se Serbia ka grurë dhe miell të mjaftueshëm dhe se ka rezerva mielli në miliona tonë, që është në sasinë e rezervave vjetore.
Ai tha se nuk ka asnjë problem me naftën dhe sheqerin, ndërkohë që eksporti i produkteve ushqimore bazë do të ndalohej për 30 ditë, po ashtu edhe eksporti i dezinfektuesve dhe letrave higjienike.
“Askush nuk do të mbetet i uritur,” tha Vuçiç, duke shtuar se në këtë moment Serbia ka “një vit bukë për të ngrënë, “.
I pyetur për futjen e mundshme të gjendjes së jashtëzakonshme, Vuçiç tha se kjo nënkupton izolim të plotë dhe se duhet parë deri në momentin e fundit nëse do të jetë e nevojshme, pasi siç tha, kjo do të thotë se do të ketë një ushtri në rrugë, si dhe kafene, bare dhe restorante të mbyllura.
I pyetur për shkollat, Vuçiç tha se ai ende nuk e dinte se ç’vendimi duhet të merrte.
