Nga Beqir Sina
Përfaqësuesi i demokrat i Nju Jork-ut, Eliot L. Engel, Kryetar i Komisionit për Punë të Jashtme, lëshoi një deklerat nga Capitol Hill, ku ai dhe kolegu i tij republikan Michael McCauli, në një bill të Dhomës se Përfaqësuesve shtyu Bashkimin Evropian të certifikojë Planin e Liberalizimit të Vizave të Kosovës dhe të japë liberalizimin e vizave për Kosovën. Në letren drejtuar Presidentit të E.U. Komisioni, Presidenti i E.U. Këshillit te E.U. dhe 28 anëtarëve të Bashkimit Europian, krerëve të më të lart të këtyre shteteve, Engel dhe McCaul kërkoni amplifikimin e Rekomandimeve të Komisionit Europian, për të lejuar liberalizimin e vizave në Kosovë me të njëjtat standarde që Bashkimi Europian ia ka akorduar fqinjëve të Kosovës përreth Ballkanit.
Letrat dypartiake(bipartisan) u nënshkrua gjithashtu nga Komiteti i Çështjeve të Jashtme, Përfaqësuesi Republikan, i Teksasit Michael McCaul.
“Nëse trajtohen si qytetarë të çdo vendi tjetër të Ballkanit, kosovarët tashmë do të udhëtojnë pa viza në zonën Shengen. Por, pamundësia për të dhënë liberalizimin e vizave duket se tregon se ka një standard të dytë që po zbatohet për popullin e Kosovës … Ne, pra, nxisim vendet anëtare të BE-së dhe Këshillin e BE-së që t’u përmbahen rekomandimeve të Parlamentit dhe Komisionit të BE-së, që të certifikojnë përmbushjen e Planit të Liberalizimit të Vizave për Kosova, dhe dhënien e liberalizimit të vizave për Kosovën pa vonesa të mëtutjeshme, ”shkruajnë dy ligjvënësit amerikan.
Teksti i plotë i letrës mund të gjendet këtu dhe më poshtë:
Ne shkruajmë për të shprehur shqetësimet tona lidhur me mbajtjen e liberalizimit të vizave për qytetarët e Republikës së Kosovës nga Bashkimi Evropian dhe shtetet anëtare të tij.
Siç jeni në dijeni, Bashkimi Evropian ka dhënë liberalizimin e vizave për çdo vend të Ballkanit Perëndimor, përveç Kosovës. Kjo lejon të gjithë qytetarët e ish-Jugosllavisë dhe Shqipërisë, me përjashtim të Kosovës, të udhëtojnë pa viza në Bashkimin Evropian.
Më 18 korrik 2018, Komisioni Evropian konfirmoi që Kosova i kishte përmbushur të gjitha standardet e kërkuara për liberalizimin e vizave – të përshkruara për në shumë raste si një proces teknik, e jo politik. Nëse trajtohen si qytetarë të çdo vendi tjetër të Ballkanit, kosovarët tashmë do të udhëtonin pa viza në zonën Shengen. Por, paaftësia për të dhënë liberalizimin e vizave duket se tregon se në Bruksel për fat- keq ekziston një standard i dyfishtë për qytetaret e Kosovës.
Ne kemi dëgjuar që disa shtete anëtare të BE-së janë të shqetësuar se, ndryshe nga qytetarët e vendeve fqinje, kosovarët do të abuzojnë me hyrjen pa viza, vizita të gjata, dhe, do të kërkojnë statusin e azilit. Sidoqoftë, kjo ka provuar të jetë e pavërtetë. Sipas raportit të Komisionit Evropian të korrikut të kaluar, Kosova, ka zvogëluar ndjeshëm numrin e qytetarëve të saj që kërkojnë statusin e azilit brenda BE, me aplikimet duke rënë me 36% nga 11.675 në 2016 në 7,410 në 2017 dhe me 90% kur krahasohen me 2015.
Raporti i korrikut, gjithashtu theksoi se Kosova po sponsorizon “fushata gjithëpërfshirëse të ndërgjegjësimit në të gjitha komunat e Kosovës me qëllim informimin e qytetarëve për të drejtat dhe detyrimet që rrjedhin nga udhëtimi pa viza.” Përveç kësaj, raporti i korrikut konfirmon që përpjekjet e Kosovës kundër korrupsionit tejkalojnë ato që kërkohen që të arrijë liberalizimin e vizave, dhe Kosova miratoi zyrtarisht kufirin e demarkuar me Malin e Zi – si një kusht i aplikuar vetëm për Kosovën.
Duke shtuar në përfundimet e Komisionit Evropian, ne jemi të kënaqur të vërejmë se kolegët tanë në Parlamentin Evropian kanë votuar me shumicë dërrmuese për të mbështetur zgjatjen e udhëtimeve pa viza të kosovarëve më shumë se një herë. Këto vota u miratuan nga Raportuesit Speciale të Parlamentit për Kosovën dhe Serbinë, Igor Stoltes dhe David McAllister, të cilët të dy kanë pohuar se qytetarët e Kosovës meritojnë liberalizimin e vizave.
Pavarësisht, disa shtete anëtare nuk duan të pranojne përfundimin e bisedimeve të arritura, Komisionari i BE-së për Politikat Rajonale Johannes Hahns, ka shkuar aq larg sa të sugjerojë që liberalizimi i vizave mund të vonohet deri në vitin 2020 ose edhe derisa të arrihen marrëdhëniet e normalizuara ndërmjet Kosovës dhe Serbisë. Jo vetëm që kjo ‘zhvendos qëllimet e synimeve’ për Kosovën edhe një herë, por ne(Washingtoni) e kemi të vështirë të kuptojmë se si një standard i tillë mund të zbatohej për njërën palë në dialogun Kosovë-Serbi dhe jo tjetrën.
Le të jemi të qartë: realizimi i marrëdhënieve plotësisht të normalizuara ndërmjet Beogradit dhe Prishtinës është dhe duhet të mbetet një qëllim i determinant i SHBA dhe Europës. Sidoqoftë, “makeup-i” e kërkesave shtesë pasi të ishin përmbushur standardet e mëparshme, mosrespektimi i rekomandimeve të institucioneve të ndryshme të BE-së, dhe refuzimi për të përmbushur premtimet, është e papranueshme dhe vetëm minon besueshmërinë e BE-së në Ballkan.
Si anëtarë të Kongresit që i kushtojmë vëmendje të thellë për gjithë rajonin, ne besojmë se është thelbësore të mbash partneritetin midis SHBA dhe BE për të promovuar një zgjidhje për ish-konfliktin Kosovë-Serbi. Fatkeqësisht, vonesa e pacaktuar e BE-së dhe standardet e pabarabarta të liberalizimit të vizave për Kosovën, vetëm më tej kan brenda saj një ndjenjë në rritje e braktisjes në mes të kosovarëve dhe humbjes së besimit si në këto negociata.
Prandaj, ne i bëjmë thirrje shteteve anëtare të BE-së dhe Këshillit të BE-së që të zbatojnë rekomandimet e Parlamentit dhe Komisionit të BE-së, të certifikojnë përmbushjen e Kosovës, rreth te tyre te Planit të Liberalizimit të Vizave dhe t’i japin liberalizimin e vizave Kosovës pa vonesë dhe pa kusht Kosovës.
Faleminderit për marrjen ne konsideratë te mendimeve tona. Ne shpresojmë që të punojmë me ju për këtë çështje dhe shpresojmë që së shpejti të shohim zgjidhjen e saj Liberalizmin e Vizave për qytetaret e Kosovës.
