Patriarku Kirill i Moskës dhe i gjithë Rusisë urdhëroi një lutje për popullin serb dhe ajo u bë në të gjitha kishat ruse natën midis 22 dhe 23 majit.
”Kam urdhëruar që natën e 22-23 majit në të gjitha kishat ruse në atdhe dhe jashtë saj të mbahet vigjilja gjithë natën për shpëtimin e popullit tonë vëllazëror serb”, ka thënë ai, citon in4s, përcjell klankosova.tv.
Kujtojmë se mëngjesin e së enjtes në Hilandar Abati Metodije dhe murgjit do të falen para ikonës së Trojeruçicës, para së cilës luten gjithmonë në sprova të rënda për shtetin dhe popullin serb.
Po ashtu, numri më i madh i kishave në vend dhe jashtë saj, atë ditë do të bien kambanat dhe do të falin lutjet për shpëtimin e shtetit dhe popullit serb.
Sot Asambleja e Përgjithshme e Kombeve të Bashkuara do të votojë për rezolutën për Srebrenicën në Neë York.
Delegacioni serb i kryesuar nga presidenti i Serbisë, Aleksandar Vuçiq, do të përpiqet sa më shumë t’i rezistojë dokumentit, i cili synon të vendosë se Serbia është shteti gjenocidal.
”Do t’i përgjigjem me forcë dhe me aq guxim sa kam guxim. Gjithë sa kam guxim, dije dhe forcë do t’i përgjigjem. Dhe unë do t’u përgjigjem atyre me sinqeritet. Unë do t’u përgjigjem atyre, do të luftojmë. Kombi ynë nuk është komb gjenocidal”, kishte thënë Vuçiq.
Sipas njoftimeve, Mali i Zi do të votojë për rezolutën për gjenocidin në Srebrenicë.
